«Интер» футболчиси Алессандро Бастони ва «РБ Лейпциг» ҳимоячиси Йошко Гвардиол «Тоттенхэм»нинг қизиқиш доирасига тушди. Лондон клуби ёзги трансфер ойнасида ҳимоя чизиғини кучайтириш ниятида.

Антонио Конте жамоаси жорий мавсумда Чемпионлар лигаси учун курашмоқда. «Тоттенхэм» бош мураббийининг фикрича, ҳимоя чизиғини кучайтириши ва келаси мавсумда «Манчестер Сити» ва «Ливерпуль» билан АПЛ чемпионлиги учун кураш олиб бориш керак. Бунинг учун орқа чизиқнинг роли катта.

23 ёшли Бастони «Интер» сафида А сериянинг 29 та ўйинида қатнашиб, 1 та гол ва 3 та голли узатмани амалга оширган.

20 ёшли Йошко Гвардиол Бундеслиганинг энг иқтидорли марказий ҳимоячиларидан бири ҳисобланади. Жорий мавсумда у «РБ Лейпциг» сафида 29 та ўйинда майдонга тушиб, 2 та гол ва 2 та голли узатмани амалга оширди.