"Интер" ҳужумчиси Лаутаро Мартинеснинг агенти Алехандро Каманьо унинг мижози дунёнинг энг яхши ҳужумчиларидан бири эканлигини айтди.

“Лаутаро футболчи сифатида ўсиб бормоқда. Унутмайлик, гап 24 ёшли футболчи ҳақида кетмоқда, у аллақачон ўзини халқаро майдонда етакчи ҳужумчилардан бири сифатида кўрсатган.

Ҳозир Роналду ва Бензема каби 35 ёшдан ошган ҳужумчилар камайиб бораётганини кўрамиз. Лаутаро каби ҳужумчиларнинг вақти келди. Биз янги трансферни кутмаяпмиз. Лаутаро "Интер" футболчиси, у бу эрда бахтли. Милан - ажойиб шаҳар. Бизнинг ўй-ҳаёлимиз шу клуб билан боғланган", - дея Каманьонинг сўзларидан иқтибос келтиради Football Italia.

Жорий мавсумда Лаутаро “Интер” сафида барча турнирлар доирасида 45 та ўйинда майдонга тушиб, 21 та гол урди ва 3 та голга ассистентлик қилди.