«Ньюкасл» «Наполи» ҳужумчиси Виктор Осимхеннинг маошини икки баробар оширишга тайёр. «Қарғалар» нигериялик ҳужумчига йилига 8-9 миллион евро маош оладиган шартнома таклиф қилмоқчи.

Аввалроқ, агар 100 миллион евродан ортиқ таклиф тушса, «Наполи» Осимхенни қўйиб юборишга тайёрлиги ҳақида маълумотлар бор эди. Инглиз клуби ушбу сумма эвазига футболчини сотиб олишга, шунингдек, унинг маошини икки баробарга оширишга рози бўлди, деб хабар беради Calciomercato.

Эдди Хоу таркибини кучайтириш ва Премьер-лигада кучли олтилик учун курашиш учун ёзги трансфер ойнасида йирик трансферларни амалга оширмоқчи.

Осимхен жорий мавсум А серияда 24 та ўйинда майдонга тушиб, 13 та гол ва 2 та голли узатмани амалга оширди.