«Nyukasl» «Napoli» hujumchisi Viktor Osimxenning maoshini ikki barobar oshirishga tayyor. «Qarg‘alar» nigeriyalik hujumchiga yiliga 8-9 million yevro maosh oladigan shartnoma taklif qilmoqchi.

Avvalroq, agar 100 million yevrodan ortiq taklif tushsa, «Napoli» Osimxenni qo‘yib yuborishga tayyorligi haqida ma’lumotlar bor edi. Ingliz klubi ushbu summa evaziga futbolchini sotib olishga, shuningdek, uning maoshini ikki barobarga oshirishga rozi bo‘ldi, deb xabar beradi Calciomercato.

Eddi Xou tarkibini kuchaytirish va Premyer-ligada kuchli oltilik uchun kurashish uchun yozgi transfer oynasida yirik transferlarni amalga oshirmoqchi.

Osimxen joriy mavsum A seriyada 24 ta o‘yinda maydonga tushib, 13 ta gol va 2 ta golli uzatmani amalga oshirdi.