"Арсенал" "Интер"дан Лаутаро Мартинес, "Манчестер Сити"дан Габриэл Жезус ва "Эвертон"дан Доминик Кальверт-Люинни сотиб олишга қизиқиш билдирмоқда. Бу ҳақда The Times нашри хабар бермоқда.
Манбанинг маълумотига кўра, инглиз клуби Чемпионлар лигасига чиққан тақдирда икки нафар ҳужумчи билан шартнома имзоламоқчи.
Лаутаро Мартинес жорий мавсум “Интер” сафида барча мусобақаларда 45 та ўйинда майдонга тушди. У 21 та гол урди ва 3 та голли узатмани амалга оширди.
Жорий мавсумда Габриэл Жезус "Манчестер Сити" сафида 39 та ўйинда майдонга тушиб, 13 та гол урди ва 11 та голли узатмани амалга оширди.
Доминик Кальверт-Люин эса "Эвертон" сафида барча турнирларда 14 та ўйинда майдонга тушиб, 3 та гол урди ва битта голли узатмани амалга оширди.
