«Вильярреал» бош директори «Ливерпуль» билан ўйинни бошқарган ҳакамлардан норози бўлди.

Чемпионлар лигасининг ярим финали жавоб учрашувида испан клуби 2:3 (биринчи ўйин - 0:2) ҳисобида мағлуб бўлди ва финалга чиқа олмади.

37-дақиқада Жовани Ло Чельсо яккама-якка чиқди. Алиссон унинг оёғи остига ташланди ва аргентиналик футболчи «Ливерпуль» дарвозабони билан контактда бўлганидан сўнг, меҳмонлар жарима майдончасига йиқилди. Ҳакамлар бригадаси пенальти белгиламади.

“Менимча, Ло Чельсо билан бўлган вазият жанжалдек туюлади. Бу пенальти, бошқа талқинни кўрмаяпман. Ҳакамлик ҳайратланарли эди, ҳакам доимо уларнинг фойдасига қарор қилди. Ҳакамлик даражаси ўйин даражасига тўғри келмади.

Кичик эпизодлар «Ливерпуль» фойдасига ҳал қилинди. Биринчи бўлимда жарима майдончаси яқинида учта қоидабузарлик бўлди. Стандартлар жуда муҳим, аммо биз уларга эриша олмадик.

Мен жаҳлдор эмасман. Бу босқичга етиб келиш фахр, лекин ҳакам жуда ёмон ишлади”, - деди Фернандо Роиг Негеролес.

«Вильярреаль» – «Ливерпуль» учрашувида Данни Маккели бригадаси ишлади.