Агар 8 июнгача клуб янги хўжайинга эга бўлмаса, "Челси" келаси мавсумда Премьер-лигадан четлаштирилиши мумкин.
Айнан шу куни лига раҳбарияти жамоаларни кейинги мавсумга қабул қилиш борасида қарор қабул қилади.
Daily Mail нашрининг ёзишича, клубнинг сотилишини секинлаштирган иккита сабаб бор. Биринчиси, клуб учун тўланган пуллар клуб хўжайини Роман Абрамовичнинг ҳисоб рақамларига тушмаслиги, балки Британияда оммавий футболни ривожлантиришга йўналтирилиши шарти. Иккинчи сабаб - Абрамович "Челси"нинг 1,6 миллиард фунт стерлинглик қарзини тўлашдан бош тортиши мумкин.
Эслатиб ўтамиз, 10 март куни Буюк Британия Абрамовичга қарши санкциялар жорий қилган эди. Премьер-лига россиялик функционерни "Челси" бошқарувидан четлатди. Тадбиркор клубни 4 миллиард фунт стерлингга сотишга қарор қилди ва бошқарувни хайрия жамғармаси васийларига топширди.
