"Барселона" ҳимоячиси Дани Алвеш "Реал"нинг Чемпионлар лигаси финалига чиққани ҳақида фикр билдирди.
“Ҳаётда омад деган нарса йўқ. Сиз ўйинда ҳукмронлик қиласиз ёки ўйин сизни бошқаради. Родриго нима қилди! Бразилияликларсиз футбол жуда ҳам зерикарли бўларди!” — деб ёзди Алвес ижтимоий тармоғида.
Ярим финал ўйинида Карло Анчелотти шогирдлари “Манчестер Сити”дан 0:1 ҳисобида қолишаётган эди, аммо улар 90 ва 91-дақиқаларда гол уришга муваффақ бўлди ва ўйинни қўшимча бўлимга ўтказди. Биринчи қўшимча бўлимда Карим Бензема пенальтини аниқ амалга оширди ва учрашувга нуқта қўйди, ҳамда "қаймоқранглилар"ни финалга олиб чиқди.
"Реал Мадрид" Чемпионлар Лигаси финалида "Ливерпуль"га қарши майдонга тушади. Чемпионлар лигасининг финал учрашуви 28 май куни Париждаги “Стад де Франс” стадионида бўлиб ўтади.
