«Манчестер Сити» клуби собиқ дарвозабони Петер Шмейхель Европа чемпионлар лигаси ярим финал доирасида кеча бўлиб ўтган ўйин борасида ўз фикрини билдириб ўтди.

«Реал» финалда ўйнашга муносиб эмас. Жамоа "Сити"га қарши ҳар икки ўйинда кучсиз ўйин намойиш эди. Мадридликлар "Манчестер Сити"га қарши баҳсда илк хавфли вазиятни 90-дақиқада юзага келтиришди ва ундан фойдаланишди. Иккинчи гол эса жамоанинг иккинчи хавфли вазияти эди. Учинчи гол эса дарвозага аниқ берилган учинчи зарбадан сўнг урилди.

«Манчестер Сити» ўйинни тўлиқ назорат қилди, аммо стадион 12-ўйинчига айланиши мумкин. Иккинчи бўлим бошида Винисиусда юзага келган вазиятдан сўнг стадион ақлдан озди. Бу ажойиб бўлди.

Биринчи ўйиндан кейин «Реал» кейинги босқичга чиқса керак деб ўйлагандим, аммо жамоа жуда ҳам кучсиз ўйнади. Жамоа фақат «Челси»га қарши учрашувда яхши ҳаракат қилди.

Аммо бу жамоа футболчиларига нисбатан шубҳа қилиб бўлмайди. Бу мусобақада тажриба катта аҳамиятга эга. Улар ғалабага бўлган иштиёқ намойиш этишди. Бу ўйинчилар аввал ҳам бундай ҳолатга тушишган. Уларнинг кўпчилиги Чемпионлар лигасида бир неча марта ғалаба қозонган. Шунинг учун улар бундай лаҳзалардан қўрқишмайди. Улар бир-бирига ва мураббийга ишонишади. Бунисига қойил қолиш керак», – деди Шмейхель.