Франкфуртнинг “Айнтрахт” клуби 42 йил ичида илк бор еврокубок финалига чиқди.
Германия жамоаси Европа лигаси ярим финалида Англиянинг “Вест Хэм” жамоасига қарши ўйинда ғалаба қозонди. Финалда Франкфурт клуби Шотландиянинг "Рейнжерс" жамоаси билан ўйнайди.
"Айнтрахт" 1980 йилда Европа мусобақаларининг финалига чиққанди. Ўшанда Германиянинг яна бир вакили – Менхенгладбахнинг «Боруссия» клубига қарши кечган УЕФА кубогининг икки ўйиндан иборат финал баҳсида «бургутлар» меҳмондаги голлар қоидаси эвазига умумий 3:3 ҳисобида ғалаба қозонишганди.
Илгари “Айнтрахт” 1960 йили Чемпионлар кубоги (ҳозирги Чемпионлар лигаси) финалида ҳам ўйнаган ва “Реал”га мағлуб бўлганди.
