Мадриднинг "Реал" клубининг тирик афсонаси ва қироллик клубининг фахрий президенти Альфредо Ди Стефано айни дамда мадрдидликлар сафида тўп сураётган ҳамюрти Гонсало Игуаинга клубни тарк этишни маслаҳат берди.
Ўтмишнинг энг машхур футболчиларидан бирининг таъкидлашича, "Реал" Игуаинга етарлича ўйин амалиётига эга бўлиши учун имконияти бермаётган экан.
"Агар у ўзини "Реал"да ноқулай сезаётган бўлса, клубни тарк этгани маъқул. Гонсало жуда истеъдодли ҳужумчи. Унинг савиясидаги футболчилар қайсидир клубнинг заҳира ўриндиғида ўтириши керак эмас.
У ўтган мавсумда "Реал" сафида етарлича голлар урди. Аммо унинг савияси ўсди деб ўйламайман. "Реал" унинг ўйнашига имкон бериши, ёки уни ушлаб турмай бошқа жамоага қўйиб юбориши керак", - дейди Ди Стефано Goal.comга берган интервьюсида.
Эслатиб ўтамиз, айни дамда, Франциянинг "ПСЖ" клуби аргентиналик ҳужумчини қўлга киритишга асосий номзод бўлиб турибди.
