“Милан” ҳужумчиси Оливье Жиру “россонерилар” либосида ўйнаш у учун нимани англатишини айтди. Эслатиб ўтамиз, франциялик футболчи ўтган ёзда Чемпионлар лигасида ғолиб чиққан "Челси"дан текинга "Сан-Сиро" эгалари сафига ўтган эди.
"Милан" — менинг фаолиятимдаги энг яхши клуб. Мен "Интер"га ўтишга яқин эдим, лекин ҳаммаси бошқача бўлиб чиқди. "Милан" менинг Италиядаги орзуим бўлган, бу ажойиб клуб", - дея Жирунинг сўзларидан иқтибос келтиради Франциянинг L`Equipe нашри.
Жиру бу мавсумда "Милан" учун кўплаб муҳим голларни урди. Футболчи клубга чемпионлик пойгасида пешқадам бўлишига ёрдам бермоқда.
