Асли ўзбекистонлик бўлган россиялик олигарх Алишер Усмонов Усмонов 1986 йилги жаҳон чемпионатининг чорак финалида Англияга қарши ўйинда (2:1) майдонга тушган афсонавий аргентиналик Диего Марадонанинг либосини сотиб олгани ҳақидаги маълумотни рад этди. Ўша учрашув Марадонанинг иккита голи билан эсда қолди, улардан бири тарихга "Худонинг қўли" номи билан кирди.
Европа нашрлари, жумладан Kicker Усмонов либосни сотиб олгани ва бунинг учун тарихий спорт буюмлари учун рекорд даражадаги 8,48 миллион евро тўлагани ҳақида хабар берди.
“Алишер Усмонов Диего Марадонани ажойиб футболчи деб билади ва унинг иқтидорига мухлислик қилади, бироқ унинг машҳур футболкасини сотиш аукционида на у, на унинг вакиллари иштирок этишди. Усмонов уни қўлга киритганлиги ҳақидаги маълумотлар нотўғри”, — деди Усмоновнинг вакили Sport24 мухбири Алина Матинян билан суҳбатда.
