Ҳужумчи Патрик Шик бошқа клубларнинг қизиқишига қарамай, Леверкузеннинг "Байер" клубида қолади. Бу ҳақда “доричилар”нинг спорт директори Саймон Рольфес маълум қилди.
“Шикнинг трансфери ҳақида бизга мурожаат қилмаслигингиз керак. Унга қизиқиш бор, лекин у бизнинг асосий ўйинчимиз», - деди Рольфес BILD нашрига.
Олдинроқ немис клуби ҳужумчисига "Ньюкасл", Дортмунднинг "Боруссия" ва "Барселона" клублари қизиқиш билдираётгани ҳақида хабарлар тарқалган эди.
Шик 2020 йилда “Рома”дан 26,5 миллион евро эвазига “Байер” кўчиб ўтган эди. Унинг шартномаси 2025 йилгача мўлжалланган.
