УЕФА раҳбари Александер Чеферин фаолиятидаги энг яхши мавсумлардан бирини ўтказаётган "Реал" ҳужумчиси Карим Бензема ҳақида ўз фикрлари билан ўртоқлашди.
“Карим футбол тарихидаги энг қадрига етилмаган футболчилардан бири. Бу ақл бовар қилмайдиган футболчи. Карим тобора кўпроқ эътирофлана бошлади. Илгари у доимо сояда бўлган. Бензема ажойиб голлар уради, Карим имконсиз бўлиб кўринса ҳам ҳар доим дарвозага зарба бериш йўлини топади. Ажойиб ўйинчи", - деди Чеферин AS нашрига.
34 ёшли франциялик футболчи жорий мавсум Ла Лиганинг 30 ўйинида 26 гол урди ва 11 голга ассистентлик қилди.
