"Торино" ҳужумчиси Андреа Белотти фаолиятини "Наполи"да давом эттириши мумкин, деб хабар бермоқда Corriere dello Sport.
Манба берган хабарга кўра, неаполликлар Белоттини ёзда тарк этиши мумкин бўлган Виктор Осимхеннинг ўрнига ўринбосар сифатида кўрмоқда.
Белотти "Торино"га 2015 йилда "Палермо"дан 8,4 миллион евро эвазига ўтган эди. Бу вақт ичида у туринликлар сафида 248 та ўйин ўтказиб, 113 та гол урган ва 28 та голли узатмани амалга оширган.
28 ёшли италиялик ёзда эркин агентга айланади ва бу унинг трансферини осонлаштиради.
