"Манчестер Юнайтед" бош мураббийи Ральф Рангник ҳужумчи Мейсон Гринвуд атрофидаги вазият ҳақида ўз фикрлари билан ўртоқлашди.

Эслатиб ўтамиз, аввалроқ 20 ёшли футболчини собиқ севгилиси зўравонлик ва ўлим билан таҳдид қилишда айблаган эди. Январ ойида у полиция томонидан ҳибсга олинган, аммо февраль ойи бошида футболчи гаров эвазига қўйиб юборилган.

“Бу шахсий инсоний фалокат. Шубҳасиз, бу ҳамма учун, шу жумладан бизнинг клуб учун ҳам ёмон», - деди Рангник Mirror нашрига.

Гринвуд жорий мавсумда “Манчестер Юнайтед” сафида 24 та ўйинда майдонга тушиб, 6 та гол урди ва 2 та голли узатмани амалга оширди.

У охирги марта шу йилнинг 22 январь куни АПЛ 23-туридан ўрин олган «Вест Хэм»га (1:0) қарши ўйинда майдонга тушганди.