"Реал Мадрид" якшанба кунги Мадрид дербисидаги "Атлетико"га қарши ўйинда етти нафар ўйинчисидан фойдалана олмаслиги мумкин. Mundo Deportivo хабарига кўра, Марсело, Гарет Бэйл, Лука Йович, Давид Алаба, Иско, Дани Себальос ва Эден Азар жамоанинг бугунги машғулотида қатнашмаган.

Манбага кўра, Карло Анчелотти, шунингдек, "Манчестер Сити"га қарши Чемпионлар лигаси ярим финал жавоб ўйинидан кейин жуда чарчаган ҳужумчи Карим Бензема ва ҳимоячи Эдер Милитаони эртанги ўйинда дам олиш имкониятини ҳам кўриб чиқмоқда.

Эслатиб ўтамиз, "Реал Мадрид" сўнгги турда ўз майдонида каталониялик "Эспаньол"ни 4:0 ҳисобида мағлуб этиб, Ла Лигада 35-чемпионлигини қўлга киритди.