Миланнинг "Интер" клуби яқинлашиб келаётган мавсум оралиғида ўз дарвозабони Йонуц Радуни бир мавсумга ижарага беришга тайёр. "Нерадзуррилар" раҳбарияти 24 ёшли руминиялик дарвозабон асосий таркибда ўйнашдан олдин тажриба орттириши керак, деб ҳисобламоқда.

Il Messagero нашри хабарига кўра, яқинда А Сериянинг юқори поғонасидан жой олган "Лечче" ва "Кремонезе" руминиялик киперни ижарага олишга қизиқиш билдиришган. Яқин кунларда томонлар учрашув ўтказишади, унда келишув шартлари муҳокама қилинади.

Эслатиб ўтамиз, Раду яқинда "Болонья"га қарши сафар ўйинида қўпол хатога йўл қўйган, шу сабаб "Интер" ўйинда мағлуб бўлди ва А серияда биринчи ўринга чиқа олмади.