"Манчестер Юнайтед" ярим ҳимоячиси Поль Погба ёзда бошқа жамоага кетишни режалаштирмоқда. Sky Sports хабарига кўра, франциялик ярим ҳимоячи якуний қарорни мавсум якунланганидан кейин қабул қилади.
Аввалроқ, футболчига "ПСЖ", "Ювентус" ва "Манчестер Сити" клублари қизиқиш билдираётгани ҳақида маълумотлар пайдо бўлганди.
Ярим ҳимоячи жамоа бош мураббийи Хосеп Гвардиола билан ҳамкорлик қилишдан манфаатдор бўлгани учун "шаҳарликлар" сафига ўтишга тайёр.
Жорий мавсумда Погба “Манчестер Юнайтед” сафида барча турнирлар доирасида 27 та ўйинда майдонга тушиб, 1 та гол урди ва 9 та голли узатмани амалга оширди.
