Италиянинг "Фиорентина" клуби яримҳимоячиси Рикардо Монтоливо ёзда "Милан"га ўтади. У янги клубида Марк ван Боммелнинг ўрнини эгаллаши кутилмоқда. Бу ҳақда Италия матбуоти хабар тарқатди.
Манбада кўрсатилишича, Марк ван Боммел мавсум якунлангач, жамоани тарк этади ва Голландияга қайтади. Айнан унинг ўрнига Монтоливо клубга жалб қилинган.
"Кейинги мавсумда Монтоливо "Милан"да ўйнайди. Рикрдо ажойиб техникага эга бўлган яхши футболчи. У жамоани кучайтира олади", - дейди "Милан" бош мураббийи Массимилиано Аллегри Италия матбуотига берган интервьюси чоғида.
Эслатиб ўтамиз, Монтоливонинг "Фиорентина" билан амалдаги шартномаси ёзда тугайди ва футболчи “Милан”га эркин агент сифатида ўтади.