"Наполи" бош мураббийи Лучано Спалетти жамоанинг Италия чемпионатининг жорий мавсумида эришган натижаси ҳақида фикр билдирди.
“Биз Чемпионлар Лигаси гуруҳ босқичига йўлланмани қўлга киритиш орқали улкан мақсадга эришдик, бироқ баъзилар буни тушуна олмаяпти. Бу натижага жорий мавсумда эришилганини тушунишингиз керак ва нафақат келажак ҳақида ўйлашингиз керак", - дея Спаллеттининг сўзларини келтиради DAZN.
Эслатиб ўтамиз, бугун, 7 май куни "Наполи" "Торино"ни минимал ҳисобда мағлуб этди. Чемпионлик учун курашда пешқадамлик қилаётган “Интер” ва “Милан” ўртасидаги фарқ мос равишда тўрт ва беш очкони ташкил этади. Чемпионат якунланишига икки тур қолди.
