Бироздан сўнг Испания Ла Лигаси 35-туридан ўрин олган "Атлетико" - "Реал" учрашуви старт олади. Қуйида ушбу баҳс олдидан қизиқарли статистикалар билан танишинг.
— “Реал” қаторасига 8 ўйиндан бери “Атлетико”га ютқазмаяпти (5 ғалаба, 3 дуранг). Уларда “Реал”бор-йўғи 2 та гол ўтказиб юборган;
— “Қаймоқранглилар” Ла Лига доирасида “Ванда Метрополитано”да бирор марта мағлубиятга учрамаган. 4 ўйинда битта ғалаба ва учта дуранг;
— Сўнгги 40 йил ичида “Атлетико” Ла Лигада ўз уйидаги ўйинларда “Реал”ни тўрт бора енга олган. Уларнинг охиргиси 2014/15 йилги мавсумда, ундан аввалгиси эса ХХ асрда қайд этилган.
