2000 йилларнинг бошларида Ла Коруньянинг "Депортиво" клуби Европа футболидаги даҳшатли куч ҳисобланарди - жамоа Чемпионлар лигасида жиддий шов-шув кўрсатди ва ҳатто 2000 йилда Испания чемпиони бўлди.
Аммо 2004 йилда "Депортиво" ўз мухлисларини аввалги ўйинлари билан хурсанд қилишни тўхтатди ва ҳозир у Сегунданинг ўрта поғоналаридан жой олган. Ўшапайтда клуб тарихида кўп нарсани ўзгартириши мумкин бўлган бир лаҳза бор эди...
Клубнинг собиқ президенти Аугусто Сезар Лендоиронинг эслашича, у Криштиану Роналдуни сотиб олиш имкониятига эга бўлган, аммо уни қўлдан чиқарган.
- Бизнинг энг қиммат футболчимиз Ривалдо эди, биз унга олти миллион евро сарфладик. "Спортинг" Криштиану учун 12 миллион сўрашди. Аммо у ҳали ёш бола эди ва биз ундан ҳеч қандай фойда келтиришига ишончимиз комил эмас эди. "Манчестер Юнайтед" бошқача ўйлади ва биз қизғонган 12 миллионни унга ажратди", - деб эслайди Лендоиро Idoli телеканалига берган интервьюсида.
