"Милан" техник директори Паоло Мальдини жамоанинг Италия чемпионатидаги қолган ўйинлари ҳақида фикр билдирди.
“Атрофимизда шов-шув кўп бўлаётган бир пайтда, хотиржам бўлиш жуда муҳим. Биз чемпионликка яқин қолдик, чунки иккитагина ўйин қолди. Лекин "Верона"га қарши ўйин ҳам осон бўлмади. Мен "Аталанта"нинг ўйинини ҳам кўрдим. Бергамоликлар зўр формада. "Сан-Сиро"да биз кўпроқ босим остида бўламиз, лекин ишонаманки, бун уддалаймиз", - дея Мальдинининг сўзларини келтиради клуб матбуот хизмати.
А Серия якунланишига икки тур қолганида “Милан” 80 очко билан турнир жадвалида пешқадамлик қилмоқда. "Интер"да эса 78 очко бор.
Кейинги ўйинда "Милан" ўз майдонида "Аталанта" билан ўйнайди. "Интер" келаси турда А Серияда қолиш учун курашаётган "Кальяри" билан меҳмонда куч синашади.
