“ПСЖ” ярим ҳимоячиси Марко Верратти жамоасининг мағлубиятли серияси сабабини айтди. Эслатиб ўтамиз, Маурисио Почеттино шогирдлари Франция чемпионатининг сўнгги уч турида ғалаба қозона олмаяпти.

Италиялик ярим ҳимоячининг фикрича, ҳозирги таркиб билан "ПСЖ" мавсумнинг айрим дақиқаларида яхшироқ ўйнаши мумкин эди.

“Бу қийин мавсум бўлди. "Реал"га қарши ўйин бизни "ўлдирди" деб ўйлайман. Биз Чемпионлар лигасида узоқроққа боришни хоҳлагандик. Бироқ, биз якунда фақат Франция чемпионлигини қўлга кирита олдик", - дея Верратти сўзларидан келтиради RMC Sport.

Эслатиб ўтамиз, Чемпионлар лигасининг 1/8 финалида "ПСЖ" "Реал"га умумий ҳисобда (2:3) мағлуб бўлиб, мусобақани тарк этганди. Шунга қарамай, парижликлар турнир якунланишига тўрт тур қолганда муддатидан аввал Франция чемпионлигини қўлга киритишди.