УЕФА Чемпионлар лигаси финали олдидан чиқиш қиладиган хонанда номи маълум бўлди.
Асосий еврокубок соврини учун Англиянинг “Ливерпуль” клуби Испаниянинг “Реал” жамоаси билан кураш олиб боради. Европа футбол ассоциациялари иттифоқи (УЕФА) матбуот хизмати Камила Кабельо меҳмон юлдуз бўлишини маълум қилди.
25 ёшли Камила Кабельо - кубада туғилган америкалик қўшиқчи. У 2012 йилда The X Factor вокал шоусида иштирок этганида шуҳрат қозонган. 2017 йилгача у Fifth Harmony гуруҳи таркибида концерт берди, шундан сўнг у яккахон карьерасини бошлади. Унинг энг машҳур хитлари - Bam Bam, Senorita ва Havana.
“Май ойида Парижда бўлиб ўтадиган Чемпионлар лигаси финали олдидан саҳнага чиқишдан жуда хурсанд бўламан! Мен ўзимнинг лотин меросим руҳи ҳамда бутун дунёдаги мусиқа ва спорт ишқибозларининг бирдамлик туйғусини ўзида мужассам этган чинакам ўзига хос шоу намойиш этиш ниятидаман”, — деди Камила Кабельо УЕФА матбуот хизматига.
"Ливерпуль" ва "Реал" ўртасидаги Чемпионлар Лигаси финали 2022 йилнинг 28 май куни Франциядаги "Стад де Франс" стадионида бўлиб ўтади.
