Лондоннинг "Арсенал" клуби яқин вақт ичида "Лестер" ярим ҳимоячиси Юри Тилемансни сотиб олмоқчи, деб хабар беради Daily Mail.

Манбага кўра, "канонирлар" ярим ҳимоя чизиғини кучайтиришни режалаштирмоқда, Тилеманс эса асосий трансфер мақсад бўлиб турибди. Манбанинг хабар беришича, келишув 40 миллион евро атрофида бўлиши мумкин.

24 ёшли Тилеманс Англия жамоасига 2019 йилнинг январида Франциянинг “Монако” жамоасидан ижара асосида ўтган эди. Ўша йилнинг ёзида "тулкилар" ярим ҳимоячининг шартномасини 45 миллион еврога сотиб олишди.

Бельгиялик футболчи Англия Премьер-лигасининг жорий мавсумида “Лестер” сафида 29 та ўйинда майдонга тушиб, 6 та гол урди ва 3 та голли узатмани амалга оширди.