Londonning "Arsenal" klubi yaqin vaqt ichida "Lester" yarim himoyachisi Yuri Tilemansni sotib olmoqchi, deb xabar beradi Daily Mail.
Manbaga ko‘ra, "kanonirlar" yarim himoya chizig‘ini kuchaytirishni rejalashtirmoqda, Tilemans esa asosiy transfer maqsad bo‘lib turibdi. Manbaning xabar berishicha, kelishuv 40 million yevro atrofida bo‘lishi mumkin.
24 yoshli Tilemans Angliya jamoasiga 2019 yilning yanvarida Fransiyaning “Monako” jamoasidan ijara asosida o‘tgan edi. O‘sha yilning yozida "tulkilar" yarim himoyachining shartnomasini 45 million yevroga sotib olishdi.
Belgiyalik futbolchi Angliya Premyer-ligasining joriy mavsumida “Lester” safida 29 ta o‘yinda maydonga tushib, 6 ta gol urdi va 3 ta golli uzatmani amalga oshirdi.
