"Реал"нинг собиқ футболчиси Жонатан Вудгейт "Ливерпуль" ҳимоячиси Виржил ван Дейк ўйинидан олган таассуротлари ҳақида гапирди. Англиялик футболчининг фикрича, у умрида ван Дейкдан яхшироқ марказий ҳимоячини кўрмаган.
“Менимча, у ҳаётимда кўрган энг яхши марказий ҳимоячи. У ақл бовар қилмайдиган даражадаги футболчи. Мен марказий ҳимоячи ҳолатида кўрган энг яхшиси”, - деди Вудгейт Daily Mirror билан суҳбатда.
Эслатиб ўтамиз, ван Дейк ўтган мавсумнинг кўп қисмини тиззаси олган жароҳати сабабли ўтказиб юборганди. Футболчи бу жароҳатни "Эвертон"га қарши сафардаги "Мерсисайд дербиси"да олган.
