"Ньюкасл" "Барселона" ярим ҳимоячиси Филиппо Коутино учун курашга қўшилди. Футболчи айни дамда "Астон Вилла"да ижара асосида ўйнамоқда.

Коутиньонинг Каталония клуби билан амалдаги шартномаси тугашига ҳали бир йил бор, бироқ у кейинги мавсумда "Барселона"да қолмаслигини аллақачон маълум қилган.

Футболчига ҳозирда ижара асосида тўп сураётган "Астон Вилла" клуби қизиқиш билдирмоқда. Жеррард бошчилигидаги жамоа каталонияликлардан футболчининг нархини туширишни сўраган ва келишувга эришган.

Бироқ, GOAL портали хабарига кўра, "Ньюкасл" вазиятга аралашди. "Ньюкасл" "Барселона"га дастлабки 40 миллион евро тўлаб, футболчини ўзига оғдириб олмоқчи.

Коутино жорий мавсумда АПЛда 15 та ўйинда майдонга тушиб, 4 та гол урди ва 3 та голга ассистентлик қилди.