"Манчестер Юнайтед" ҳозирда "Колон"да ўйнаётган аргентиналик форвард Факундо Фариасни ўз сафига қўшиб олмоқчи. Футболчига "Рома", "Сассуоло" ва "ПСЖ" ҳам қизиқиш билдирмоқда.
Фариас 17 ёшида катталар жамоасида дебют қилган. Ҳозирда у асосий таркиб ўйинчиси. 19 ёшли футболчи ҳужумчи ва вингер, шунингдек, ҳужумкор ярим ҳимоячи сифатида ўйнай олади.
Аввалроқ Фариасга Россиянинг бир қанча клублари, жумладан, “Зенит” ва “Спартак” клублари ҳам қизиқиш билдираётгани хабар қилинганди.
Жорий мавсумда футболчи Аргентина чемпионатида 11 та ўйин ўтказиб, 2 та гол уришга эришди.
