Грециянинг Ираклион шаҳрида давом этаётган оғир атлетика бўйича ёшлар ўртасидаги Жаҳон чемпионати бугун ўз ниҳоясига етади.

Ҳозиргина эркаклар ўртасида +109 кг вазн тоифасида даст кўтариш машқи якунига етди. Унда ҳамюртимиз Мирҳосил Мирзабоев 176 кг натижа билан кичик кумуш медалга сазовор бўлди. У дастлаб 165 кг, иккинчи уринишида эса 170 кг тошни осонлик билан кўтарди. Сўнгги уринишда Мирзабоев бироз қийналган бўлсада, 176 кг оғирликни ҳам ўзига бўйсундиришга муваффақ бўлди.

Бироқ, эронлик Али Ризо Юсуфий ҳамюртимиздан бир қадам олдинда юрди. У 166, 171 ва ниҳоят 177 кг оғирликни забт этди ва кичик олтин медални қўлга киритди.

Совриндорлар учлигини украиналик Богдан Тараненко якунлаб берди, унинг кўрсаткичи 167 кг бўлди.

Олдинда эса спортчиларни силтаб кўтариш машқи кутиб турибди. Бу йўналишда ҳамюртимизга омад тилаймиз.