Ҳужумчи Карим Адейеми расман Дортмунднинг “Боруссия” клубига ўтди.
Бугун немис тиббий кўрикдан ўтди, шундан сўнг у "арилар" футболчисига айланди. Футболчи кейинги мавсум учун мавсумолди машғулотларида жамоага қўшилади.
Трансфер суммаси 38 миллион евро + бонусларни ташкил этди. Фабрицио Романонинг сўзларига кўра, футболчи икки кун аввал “Боруссия” билан 5 йиллик шартнома имзолаган, бироқ шартнома расман бугун эълон қилинган.
Эслатиб ўтамиз, бугун Дортмунднинг "Боруссия" клуби ҳам ҳужумчи Эрлинг Холандни "Манчестер Сити"га сотганини расман эълон қилди.
