"Лидс" вингери Рафинья Диас "Барселона" билан оғзаки келишувга эришди.
"Лидс" бразилиялик футболчини жорий мавсум якунида Англия премьер-лигасида ўз ўрнини сақлаб қололмаса, 25 миллион евро эвазига қўйиб юборишга мажбур бўлади.
Аввалроқ матбуотда хабар қилинганидек, Рафинья ўзининг "Барселона"га ўтишини фаол равишда тарғиб қилмоқда. Футболчи Каталония раҳбариятига ёзда ҳозирги жамоасини тарк этса, уларнинг таклифини қабул қилишига ваъда берган. 25 ёшли футболчини сотиб олишга Англия клублари ва Франциянинг "ПСЖ" клуби ҳам қизиқиш билдирмоқда.
Рафинья Диас жорий мавсумда АПЛнинг 32 ўйинида 10 та гол урди.
