"Ювентус" "Бавария" ярим ҳимоячиси Серж Гнабри учун курашмоқчи. Футболчига "Реал" ва "Арсенал" ҳам даъвогарлик қилмоқда.

Гнабри 5 йил олдин "Бавария"га келиб қўшилган ва ўзини Европанинг энг яхши ҳужумкор ярим ҳимоячиларидан бири сифатида кўрсата олди.

Футболчининг шартномаси келаси йили тугайди ва “Бавария” ҳали футболчи билан шартномани узайтириш борасида келиша олмади.

Ёзда "Ювентус"ни Паоло Дибала тарк этади, Турин клубининг ярим ҳимоячиси Хуан Куадрадо эса фаолиятини якунлаш арафасида. Шу сабабли, "Ювентус" "Бавария" ярим ҳимоячисига эътибор қаратди.

Жорий мавсумда Гнабри Бундеслигада 33 та ўйин ўтказиб, 14 та гол урди ва 5 та голга ассистентлик қилди.