«Манчестер Сити» бош мураббийи Хосеп Гвардиола «Вулверхэмптон»га қарши бўлиб ўтган ўйин (5:1) борасида ўз фикрини билдириб ўтди. Испаниялик мутахассис мазкур ўйинда "покер"га эришган Кевин Де Брюйне ҳақида ҳам тўхталиб ўтди.

«Де Брюйне намунали ўйин кўрсатиб, мастер-класс ўтаб бердими? Шубҳасиз.

Аввал ҳам у тез-тез гол уриб турарди, айниқса, иккинчи бўлимларда. Бугун эса у ғаройиб натижа қайд этиб, 4та гол муаллифига айланди. Тўхтатиб бўлмас, ажойиб, мисли кўрилмаган ва идеал. У жуда кўп мақтовларга лойиқ.

Кевин - ақл бовар қилмас ўйинчи, голли узатмалар беришда сахий, аммо у голлар ҳам уриб туриши керак. Мазкур мавсум унинг учун биргаликдаги фаолиятимиздаги энг сермаҳсули бўлди.

«Ливерпуль» билан АПЛ ғолиблиги учун курашда тўплар фарқи муҳим аҳамиятга эгами? Бизнинг асосий мақсадимиз — кейинги ўйин. Кейинги 2та учрашувда ғалаба қозонсак, чемпионликни қўлга киритамиз», - деди Пеп Гвардиола.