"Тоттенхэм" бош мураббийи Антонио Конте АПЛ чемпионлигини қўлга киритиш учун таркибни кучайтириш зарурлиги ҳақида гапирди.

"Нафақат "Тоттенхэм" балки, Англия чемпионлиги учун курашмоқчи бўлган ҳар бир клуби катта маблағ сарфлаши керак. Албатта, яхши тайёргарлик кўриш ва жамоани ташкил қилиш мумкин, лекин катта сармоя киритиш муҳим, чунки жамоани ғалабага энг яхши футболчилар олиб боради.

Ўтган мавсумда "Манчестер Сити" Грилишни, "Челси" Лукакуни, "Манчестер Юнайтед" Санчо, Варан ва Роналдуни сотиб олди. Агар юқори жамоа кучли бўлиш учун кўп пул сарфлаётган бўлса, қуйи жамоа рақобатбардош бўлиш учун қанча пул сарфлаши керак?

Мен Пеп Гвардиоланинг футболда фақат пул муҳим эмаслиги ҳақидаги гапиша қўшиламан. Пеп энг зўр мураббий, у ажойиб жамоани яратди, унинг жамоасини натижасини кўришингиз мумкин. Аммо шу билан бирга, жамоанинг савияси ва сифатини ошириш учун пул муҳим. Бу фақат менинг клубим ҳақида эмас, умумий гапиряпман. Журналистлар мендан чемпионликни қўлга киритиш ҳақида сўрашди ва чемпионликни қўлга киритиш учун “Тоттенхэм”га вақт, сабр ва стратегияни босқичма-босқич амалга ошириш керак дедим.

Биз бу йўлга эндигина чиқдик ва баъзи жамоалар ҳозир бу йўлнинг охирида турибди, улар мустаҳкам пойдевор қурдилар ва ўз таркибини яхшилаш учун бир ёки иккита ўйинчини қўшишлари мумкин. "Тоттенхэм" бу йўлнинг бошида ва бизга кўпроқ вақт керак. Битта трансфер ойнасида ёки бир мавсумда вазиятни кескин ўзгартириш мумкин деб ўйламаслик керак», - деди Конте Football.London билан суҳбатда.