"Tottenxem" bosh murabbiyi Antonio Konte APL chempionligini qo‘lga kiritish uchun tarkibni kuchaytirish zarurligi haqida gapirdi.

"Nafaqat "Tottenxem" balki, Angliya chempionligi uchun kurashmoqchi bo‘lgan har bir klubi katta mablag‘ sarflashi kerak. Albatta, yaxshi tayyorgarlik ko‘rish va jamoani tashkil qilish mumkin, lekin katta sarmoya kiritish muhim, chunki jamoani g‘alabaga eng yaxshi futbolchilar olib boradi.

O‘tgan mavsumda "Manchester Siti" Grilishni, "Chelsi" Lukakuni, "Manchester Yunayted" Sancho, Varan va Ronalduni sotib oldi. Agar yuqori jamoa kuchli bo‘lish uchun ko‘p pul sarflayotgan bo‘lsa, quyi jamoa raqobatbardosh bo‘lish uchun qancha pul sarflashi kerak?

Men Pep Gvardiolaning futbolda faqat pul muhim emasligi haqidagi gapisha qo‘shilaman. Pep eng zo‘r murabbiy, u ajoyib jamoani yaratdi, uning jamoasini natijasini ko‘rishingiz mumkin. Ammo shu bilan birga, jamoaning saviyasi va sifatini oshirish uchun pul muhim. Bu faqat mening klubim haqida emas, umumiy gapiryapman. Jurnalistlar mendan chempionlikni qo‘lga kiritish haqida so‘rashdi va chempionlikni qo‘lga kiritish uchun “Tottenxem”ga vaqt, sabr va strategiyani bosqichma-bosqich amalga oshirish kerak dedim.

Biz bu yo‘lga endigina chiqdik va ba’zi jamoalar hozir bu yo‘lning oxirida turibdi, ular mustahkam poydevor qurdilar va o‘z tarkibini yaxshilash uchun bir yoki ikkita o‘yinchini qo‘shishlari mumkin. "Tottenxem" bu yo‘lning boshida va bizga ko‘proq vaqt kerak. Bitta transfer oynasida yoki bir mavsumda vaziyatni keskin o‘zgartirish mumkin deb o‘ylamaslik kerak», - dedi Konte Football.London bilan suhbatda.