"Ювентус" бош мураббийи Массимилиано Аллегри келаси мавсумда клубда ишлашда давом этади. Football Italia хабарига кўра, "кекса сеньора" раҳбарияти мураббийга ишонади ва ёзги мавсумда уни трансферлар билан қўллаб-қувватлаш ниятида.

Эслатиб ўтамиз, кеча "Ювентус" Италия кубоги финалида "Интер"га 2:4 ҳисобида имкониятни бой берган эди. Шу тариқа, “кекса синьора” 2010/11 йилги мавсумдан буён илк бор мавсумни совринсиз якунлади.

"Ювентус"нинг сўнгги икки мураббийи Андреа Пирло ва Маурицио Сарри совринларни қўлга киритгач раҳбарият томонидан ишдан бўшатилди. Пирло Италия кубогини, Сарри эса Скудеттони қўлга киритди.