"Манчестер Юнайтед" клуби ярим ҳимоячиси Антнио Валенсия, жамоа мухлислари ўртасида ўтказилган сўровда мавсумнинг энг яхши футболчиси деб топилди.
"Қизил Иблислар"нинг расмий сайтида ўтказилган сўровда, эквадорлик истеъдодли футболчи 37% овоз тўплаб, биринчи ўринни қўлга киритди. Иккинчи ўринни 24% овоз билан Уэйн Руни қўлга киритган бўлса, Пол Скоулз мазкур сўровда 12% овоз билан учинчи ўринни эгаллади.
Антонио Валенися шунингдек, жамоа футболчиларининг ўзлари ўтказган сўровда ҳам ғолиб чиқди. Жамоанинг 23 та футболчисидан 18 таси айнан Валенсияни мавсумнинг энг яхши футболчиси деб топган.
Шунингдек, "Блекбёрн"га қарши сафар учрашувида, Валенсия томонидан киритилган гол "МЮ"нинг мавсумдаги энг чиройли голи, дея тан олинди.













