Мадриднинг “Атлетико” клуби президенти Энрике Сересо ҳозирда “Барселона”дан ижара асосида “матрасчилар”да ўйнаётган ҳужумчи Антуан Гризманни яна бир бор мақтади.
“Гризманнинг келажаги ажойиб. Жорий мавсумда қатор жароҳатлар туфайли биз ундан кутган ўйинни кўрсата олмади. Аммо ҳозир Гризманн дунёнинг энг зўр футболчилари уч-тўртлигида. Бу футболчиларни топиш жуда қийин. У билан хайрлашиш аҳмоқлик бўларди", - дея Сересо сўзларини келтиради Маrcа.
Жорий мавсум Гризманн Испания чемпионатида "Атлетико Мадрид" сафида атиги 3 та гол урган эди. “Матрасчилар” ҳамон ҳужумчини сотиб олиш ҳуқуқини сақлаб қолган.
