"Ньюкасл" "Наполи" ҳужумчиси Виктор Осимхен билан музокаралар олиб бормоқда. 

Осимхен "Наполи"га 2020 йилда келиб қўшилган ва ҳозирда жаҳон футболидаги энг яхши ёш ҳужумчилардан бири ҳисобланади. Calciomercato хабарига кўра, "Ньюкасл" футболчини ёзги трансфер ойнаси вақтида сотиб олиш вариантини кўриб чиқмоқда ва Осимҳен билан музокараларни бошлаб юборган. Шунингдек, футболчига "Манчестер Юнайтед" ҳам қизиқмоқда.

Олдинроқ “Наполи” футболчини 100 миллион евродан камига қўйиб юбормаслиги ҳақида хабар берилганди.

Жорий мавсумда футболчи А серияда 25 та ўйин ўтказиб, 13 та гол ва 2 та голли узатмани амалга оширди.