"Барселона" ҳимоячиси Жерар Пике Каталония клуби собиқ бош мураббийи Хосеп Гвардиоланинг ўзига бўлган таъсири ҳақида гапирди.

“У жуда ақлли ва ўйинни ҳаммадан кўра яхши тарзда тушунади. У сизга ўйинга киришиш ва ҳар қандай вазиятга тайёр бўлиш учун барча кўрсатмаларни беради. Ишончим комил, у энг яхшиси", - дейди Пике SkySports нашрига.

Унинг қайд этишича, Гвардиола ҳар бир рақибнинг ўйинини синчиклаб ўрганади, сўнгра футболчиларга ҳар қандай вазиятда қандай ҳаракат қилиш бўйича аниқ кўрсатмалар беради.

“Бундан кейин ўзингизни ишончли ҳис қиласиз. Сиз қанчалик қийин бўлмасин, ҳар қандай ўйинга тайёрсиз”, - дея қўшимча қилади Пике.

Пике "Манчестер Юнайтед"дан "Барселона"га Гвардиола бош мураббий бўлган пайтда келганди. Испаниялик мураббий ҳимоячи учун уни нафақат майдонда, балки ундан ташқарида ҳам кўплаб ёрдам берган.