"Интер" ва "Тоттенхэм" "Фиорентина" ярим ҳимоячиси Софьян Амрабатни сотиб олмоқчи.
"Шпорлар" спорт директори Фабио Паратичи ва бош мураббийи Антонио Конте 25 ёшли футболчига анчадан бери қизиқиш билдиришган ва уни қишда қўлга киритишга ҳаракат қилишган эди, бироқ келишув амалга ошмади.
Foot Mercato хабарига кўра, "Тоттенхэм" музокараларни давом эттирмоқчи, аммо футболчига "Интер" ҳам қизиқмоқда. Футболчининг ўзи иккала вариантни ҳам кўриб чиқишга ва клубдаги икки йиллик фаолиятидан сўнг "Фиорентина"ни тарк этишга тайёрлигини айтди.
Жорий мавсумда Амрабат А серияда 22 та ўйин ўтказиб, 1 та гол урди.
