"Ювентус" "Манчестер Юнайтед" ярим ҳимоячиси Поль Погбани қўлга киритиш учун фаворит эканлигига ишонмоқда, деб хабар беради Mirror.
Хабар қилинишича, "ПСЖ" ҳам Погбага таклиф билан чиққан. Футболчининг ўзи ҳамон "Реал"дан таклиф кутмоқда.
Олдинроқ "Ювентус" футболчига йилига 7-8 миллион евро миқдорида белгиланган маош, шунингдек, имзо бонуси таклиф қилиши мумкинлиги хабар қилинганди.
Жорий мавсумда Погба “Манчестер Юнайтед” сафида барча турнирларда 27 та ўйинда майдонга тушиб, 1 та гол урди ва 9 та голли узатмани амалга оширди.
Унинг клуб билан шартномаси 2022 йилнинг 30 июнига қадар мўлжалланган.
