"Ньюкасл" "Лестер" дарвозабони Каспер Шмейхелга қизиқиш билдирмоқда. Дарвозабоннинг шартномаси 2023 йилда тугайди ва клуб мавсум охирида шартномани узайтириш бўйича музокаралар столига ўтириш ниятида экани аввалроқ хабар қилинганди.
Бироқ, дарвозабон "Ньюкасл"га ўтиши мумкин, деб хабар беради talkSPORT. Эдди Хау шогирдлари ёзги трансфер ойнасида катта кучайишга интилишмоқда ва Шмейхел уларнинг мақсадларидан бири.
Бошқа томондан, "Лестер" Премьер-лигада унчалик муваффақиятли мавсум ўтказмади. Клуб еврокубокларга чиқа олмади.
Шмейхел жорий мавсумда АПЛда 35 та ўйинда майдонга тушиб, ҳар бир ўйинда 1,57 та гол ўтказиб юборган ва 7 та ўйинда ўз дарвозаси дахлсизлигини сақлаб қолган.
