Британиялик журналистлар тажриба ўтказишга ва Эрлинг Холанднинг машҳур компьютер футболи менежеридаги (Football manager 2022) беш мавсумини таҳлил қилишга қарор қилишди.
Натижалар тажриба яратувчиларни ҳайратда қолдирди. Норвегиялик ўзининг дебют мавсумида 34 та ўйинда 47 та гол уриб, Муҳаммад Салоҳнинг рекордини ортда қолдирди.
Шунингдек, Холанд кейинги тўрт йил ичида бир мавсумда Премьер-лигада 30 дан ортиқ гол урди. Ҳаммаси бўлиб 262 ўйинда норвегиялик футболчи 296 марта рақиблар дарвозасини ишғол қилди ва "Манчестер Сити" тарихидаги энг яхши тўпурарга айланди.
Ҳақиқий ҳаётда бундай симуляторга ишониш мумкин эмаслиги аниқ. Аммо, баъзи мураббийлар аввалроқ оммабоп ўйиндан ўзлари қизиққан футболчилар ҳақида кўпроқ маълумот олиш учун фойдаланишган.
