"Фейеноорд" ҳимоячиси Маркос Сенеси бир вақтнинг ўзида Аргентина ва Италия терма жамоаларига чақирилиши мумкин.
Жанубий Америка ва Европанинг амалдаги чемпионлари жорий йилнинг 1 июнь куни “Уэмбли”да Финалиссима деб номланган ўйинда ўзаро баҳс олиб боришади.
25 ёшли футболчи Аргентина терма жамоасининг бугун таништирилган кенгайтирилган таркибидан жой олди.
Бироқ Tuttosport хабарига кўра, Роберто Манчини ҳам Сенесини ўз жамоасига чақиришни режалаштирган.
Маълумот учун, Сенеси бирорта терма жамоа сафида ҳаракат қилмаган. У Аргентинада туғилган ва бир қатор ёш термалар сафига чақирилган. Шунингдек унда Италия паспорти ҳам бор.
