"ПСЖ" ҳужумчиси Анхель Ди Мария келаси ҳафта расман "Ювентус" футболчисига айланиши мумкин, деб ёзади журналист Адрьен Греньер.
Манбанинг хабарига кўра, туринликлар ва футболчи шартномани якунлашга яқин турибди. Бир неча ҳафтадан бери музокаралар давом этмоқда.
Аввалроқ 34 ёшли футболчи "ПСЖ" билан шартномани узайтириши мумкинлиги ҳақида хабарлар тарқалган эди.
Ди Мариянинг француз гранди билан амалдаги шартномаси мавсум охирида якунига етади.
Жорий мавсумда у Лига-1'нинг 24 та учрашувида 3 та гол ва 6 та голли узатмага муаллифлик қилди.
